ERZÄHLER
Un ringsümher
licht schwart un schwer
de düstre Nacht
un flustert sacht
un süfzt dörch ’t Ruhr
un dörch denn ollen Fleederbom
un dörch dat Liesch an denn Wåtersom!
un ’t Rägenschuer,
dat ruppe tüht,
glitt singend œwer ’t Wåter hen,
as süng de Nacht ein Truerlied,
un weint so sacht herun, as wenn
sülfst schwarte Nacht sik barmen deit
üm ’t Minschenhart un üm sien Leid.