as wenn ein kolle Dodenhand
von binnen löscht denn willen Brand
un rüm an ehren Harten ritt.
De Stormwind bruust. – »Kumm mit! Kumm mit!«
kriescht heisch de Ul.

MARIK
Ik kåm, ik kåm!
Mien Jammer hett denn mål ein Enn’.

ERZÄHLER
Un sackt taurüch un sackt tausåm
un fött denn Kopp in beide Hänn’
un drückt, as mösst sei mit dusend Käden
tausåmen sik de Gedanken schmäden. – –
Dunn ward dor buten so ein Larm,
dor rummelt nå de Däl wat rup.
Un as de Stubendör geiht up,
dunn is ’t de olt Möllerfru mit ein Weich!

MÖLLERFRU
Süh so, Marik, nu kümmst in Reich,
dor lech denn Prinzen man herin.

MARIK
Oh, Nåbersch, wenn ik doch eins künn
juuch all juuch Gautheit mål vergellen!

MÖLLERFRU
Ih,

ERZÄHLER
fängt de Ollsch nu an tau schellen,