JEHANN
Jå, Minschenschinner, so ein för di!

ERZÄHLER
De Herr, de schleit in vulle Wut
em mit de Riedpietsch in ’t Gesicht.
Oll Daniel springt dormank un schricht:

DANIEL
Jehann, Jehann, holl ut! holl ut!

ERZÄHLER
Hoch hålt hei ut, de Fork, de flücht,
ein mächt’gen Stot –
un mit de Messfork stött hei ’n dot.

DANIEL
Herr Gott! Herr Gott! Vergääfs! Tau spät!
Oh, Såtan, du hest grugelig dråpen!
Oh, unselig Minsch, wat hest du dån?
Ein Muurd, ein Muurd hest du begåhn,
ein Muurd, de rup tau’n Himmel schricht!
Hüürst du denn nich? Jehann, Jehann!
Oh, Unglückskind, Fuurt! Mit di fuurt!
Minsch, Minsch! Måk fuurt, süss büst verluurn!
Hür tau: De hollen Eiken!
De schwarte See! Dor will ik di säuken.

JEHANN
De holle Eik, de schwarte See!
De holle Eik, de schwarte See!