Dunn was hei furt.
Un spraken was dat gruglich Wurd,
Un ’t brus’t em dörch de ollen Uhren
As Stormwindslid
Bi Winterstid:
»Verluren! verluren! Jehann verluren!«

DANIEL
Dat was sin Herr, hei was sin Knecht.
Oh Herr! Oh Herr! Wer hett nu Recht?
Din Satzung kann de Minsch verstahn,
Doch wat de Minschen dortau dahn,
Verstah, wer kann!

ERZÄHLER
Drup wankt hei furt; kein Späuken jöggt
Em dörch de Nacht mihr, dörch de Dannen.
Wat Späuken hir! Hei süht Jehannen.