„Plattdeutsche Klassiker lesen!“
Fritz Reuter: Kein Hüsung
gekürzte Hörspiel-Fassung:
Orthographie Reuter (2.Aufl. 1854) | Orthographie Herrmann-Winter 〉〉 |
Reuter mit Übers. | Herrmann-Winter mit übersetzung
- 72 -
ERZÄHLER
De Stormwind buten bruust mit Macht,
de Ul röppt schurig dörch de Nacht:
›Kumm mit! Kumm mit! Kumm mit, mi grut!‹ –
MARIK
„Un wenn Di grut, mi grut hier ok!“
ERZÄHLER
Un sleiht üm ’t Kind denn dünnen Dauk
un stört’t in Snei un Nacht herut.
›Kumm mit! Kumm mit!‹ –
MARIK
„Ik kåm, ik kåm!
Nå ehr, nå ehr! Sei is jå fråm.
Bi ehr is hüt ok heilig Christ
un Wihnacht-Heiligåbend is ’t!“
ERZÄHLER
De Snei danzt dörch de Winternacht.
Un is dat ok ein schurig Wäwen
so is ’t doch noch ein warmer Läwen,
as binnen bi de Lichterpracht. –
Kein Minsch hett seihn,
wat dor gescheihn.
Kein Minschenkind hett je nå Johren,
wat binnen språken is, erfohren.
Dat was ein Birr’n, ein knäächlich Quälen,
dat was ein Schell’n, ein hart Befählen,
dat was tauletzt ein hellen Schrie –
dunn was ’t vörbi. – –
Un ’rute stört’t wat ut de Dör
un drückt wat hastig an sik ’ran,