„Plattdeutsche Klassiker lesen!“
Fritz Reuter: Kein Hüsung
gekürzte Hörspiel-Fassung:
Orthographie Reuter (2.Aufl. 1854) | Orthographie Herrmann-Winter 〉〉 |
Reuter mit Übers. | Herrmann-Winter mit übersetzung
- 67 -
Du büst mi bläwen!
Un hett mi Not un Elend troffen,
Di holl ik s’ fiern.
Wo giern! Wo giern!
Du sallst ’t nich kenn’n –
Ik will ’t woll wenn’n,
Wat uns bedråpen.
Mit miene Hänn’
Riet ik de wiede Welt di åpen.
Sallst glücklich sien,
Frie unner Frie’n!
Hei hett nich schräwen,
Wo is hei bläwen –
Is hei all storwen? –
Dien Vadder dräwen
Ut ’t Vadderland. – Is hei verdorwen?
Un süll hei ’t sien,
Hei blifft doch mien.
Hei was kein Müürder,
Ein Kierl blot wier ’e,
Dien bråve Vadder.
Kraft in de Glieder,
un hellen Maut in jede Ader
un leif un tru.
So ward ok du!
Un büst du ’t worn
Hüt orrer morr’n,
Denn treck w’ em nå;
Up frieen Bodd’n
Säuk w’ em denn in Amerika.
Dor lüchten Sünnen
Un Wulken teihn,
Inhaltsverzeichnis