„Plattdeutsche Klassiker lesen!“
Fritz Reuter: Kein Hüsung
gekürzte Hörspiel-Fassung:
Orthographie Reuter (2.Aufl. 1854) | Orthographie Herrmann-Winter 〉〉 |
Reuter mit Übers. | Herrmann-Winter mit übersetzung
- 58 -
Un büst Du mål von Elend mäud,
denn stütt Di d’rup un denk an mi
un an Marik un an ehr Leid.“
JEHANN
„Wat? Ik sall gåhn, Marik sall bliewen?
Mi willst allein in ’t Elend driewen?“
DANIEL
„Ik drief Di nich, Di drifft Dien Dåt;
Du hest sei seit, de böse Såt.“
JEHANN
„Ik heff nich seit, ik heff blot meiht,
wat anner vör mi hewwen seit.
Nu reden s’ väl von Schuld un Muurd.“
DANIEL
„Måk fuurt! Måk fuurt!“
JEHANN „Jå, jå! – Ik weit woll, wat ik bün.
Doch wenn hei wedder vör mi stünn –
denn mein ik, mit dat bleik Gesicht –
so niederträchtig un so slicht
un frisch un rot,
ik stött denn Hund noch einmål dot!
Un hüng an ’n Galgen all de Strick:
Hei orrer ik! Hei orrer ik!
Hei hett mien Läwen
vergift’t,
vergäwen!
Hei hett mit Grull mien Hart vergällt