„Plattdeutsche Klassiker lesen!“
Fritz Reuter: Kein Hüsung
gekürzte Hörspiel-Fassung:
Orthographie Reuter (2.Aufl. 1854) | Orthographie Herrmann-Winter 〉〉 |
Reuter mit Übers. | Herrmann-Winter mit übersetzung
- 56 -
un horkt un lurt,
ob sik wat rööcht.
Dat Hart steiht still, de Åten swicht. –
Dunn is ’t, as wenn sik wat bewäächt,
as wenn dor wat in ’n Schatten licht.
Hei sliekt sik ’ran.
Jå, ’t is Jehann!
De fött denn Oll’n sien Hänn’ taugliek
un flustert heisch:
JEHANN
„Marik? Marik?“
ERZÄHLER
Oll Daniel kiekt em barmend an:
DANIEL
„Noch lääft s’, noch bädt s’ för Di, Jehann.“
ERZÄHLER
Hei föllt taurüch so blass un bleik
un lähnt sik an de holle Eik.
JEHANN
„Oh, sech ehr, sei süll kåmen, kåmen!
Ik nähm sei mit; wi gåhn tausåmen,
ik bring uns dörch in ’t anner Land.“
ERZÄHLER
Un fåt denn Ollen sien Knei un weint.
De Oll, de schuuft taurüch sien Hand.
Inhaltsverzeichnis