JEHANN
Ja, Minschenschinner, so ’n för Di!

ERZÄHLER
De Herr, de sleiht in vuller Wut
Em mit de Ridpitsch in ’t Gesicht.
Oll Daniel springt dormang un schriggt:

DANIEL
Jehann, Jehann, holl ut! Holl ut!

ERZÄHLER
Hoch halt hei ut, de Fork, de flüggt,
en mächt’gen Stot –
Un mit de Meßfork stött hei ’n dod.

DANIEL
Herr Gott! Herr Gott! Vergews! Tau späd!
Oh, Satan, Du hest gruglich drapen!
Unselig Minsch, wat hest Du dahn?
En Murd, en Murd hest Du begahn,
En Murd, de rup taum Himmel schriggt!
Hürst Du denn nich? Jehann, Jehann!
Oh, Unglückskind, furt! Mit Di furt!
Minsch, Minsch! Mak furt, süs büst verluren!
Hür tau: De hollen Eiken!
De swarte See! Dor will ’ck Di säuken.

JEHANN
De holle Eik, de swarte See!
De holle Eik, de swarte See!