Un süht so bang un ängstlich ut
Un fröggt den Oll’n:

MARIK
Wo is Jehann?

DANIEL
De Knechts, de halen Holt vermorrn.

MARIK
Ach Daniel, mi ’s so angst un bang’n;
Min Vader is so krank mi word’n,
Ick heww nah ’n Dokter so ’n Verlang’n;
Ach Daniel, bidd Hei doch den Herrn,
Dat hei den Dokter halen lett.

DANIEL
Gah man – fragen will ’k em girn!
... wenn hei man sinen Gauden hett.

ERZÄHLER
Un fummelt rüm an de Kandar. (Der Herr tritt auf.)

HERR
Was hat Er noch, Er alter Narr?

DANIEL
Den Dokter möt w’ woll halen laten?

HERR
Was? Dokter? Was? Ist Jemand krank?