„Plattdeutsche Klassiker lesen!“

Fritz Reuter: Kein Hüsung

gekürzte Hörspiel-Fassung:


Inhaltsverzeichnis

Orthographie Reuter (2.Aufl. 1854) | Orthographie Herrmann-Winter 〉〉 |
Reuter mit Übers. | Herrmann-Winter mit übersetzung

-       19       -


un wat wi rädten, wat wi spröken,
dat steiht mi deip in ’n Harten schräwen,
un läwig is ’t mi ümmer bläwen.
Un blifft ’t, bet dat mien Hart deit bräken.“

ERZÄHLER
Jehann springt up un kricht denn Ollen
bi siene bäw’rig Hand tau hollen:

JEHANN
„Worüm hest Du sei denn nich nåhmen?“ –

DANIEL
„Ein Worm was in mien Ros’ ’rin kåmen,
ein Worm hett miene Blaum verdorwen;
in Not un Elend is sei storwen.
Mien Herr, de hett sei sowiet bröcht.
Hei was de Herr, ik was de Knecht.
Mien Hart blödd unn’n, sien Hand was båben,
hei brök mien Ros’, ik heff s’ begråben.“

JEHANN
„Wer was Dien Herr? Wer was Dien Brut?“

DANIEL
„Mien Herr was unsen Herrn sien Vadder.“

JEHANN
„Un Du reetst em nich jede Ader,
du reetst sien swartes Hart nich ut?“