Martha Müller-Grählert
Ganz still un afgeläg’n,
Dei Well’n bespäul’n dat Dach un Nacht
Un sing’n denn ollen Säg’n.
Ut jede Hütt, ut jedes Hus
Kiekt stillbescheid’nes Läb’n;
Dei gröttste Armot is mit Blaum’n,
Sünd ’t wille ok, ümgäb’n.
Von Riekdom un von Geld un Gaut
Is wenig hier verborg’n.
In schwore Arbeit still un tru
Möt jeder för sik sorg’n.
Gesichter, brun un wäderfast,
Klor Ogen, tru un åp’n.
Un harte Hänn’ un weikes Hart
Deit man hier ümmer dråp’n.
In dit lütt Dörp weit ik ein Hus
Dorvör ståhn drei Kastann’,
Dörch ehre Äste schimmern hell
De witt’n Dün’n an ’n Strann’.
Un vör de Dör ’ne gräune Bank,
De ward ik nich vergät’n.
So oft, so oft in ’n Åbendschien
Heff ik dor sünsten sät’n.