Schreibung:
Quickborn 1856 〉〉 - Quickborn 1853
mit Übersetzung 〉〉
genormt 〉〉
Klaus Groth
Denn klopp man ant Finster
Denn klopp du man sacht,
Dat Dörp liggt to slapen
Un still is de Nacht.
Denn klopp man ant Finster,
Man sacht anne Rut,
Ik hör di int Slapen,
So kam ik herut.
De Gaarn is so ruhi,
De Maan is so blank,
Kumm sacht, kumm vernacht,
Kumm de Stieg man hentlank!
Dar steit de ol Wiechel,
Darünner de Steen,
Un beid wüll wi sitten,
Nan Heben rop sehn.
Un beid wüll wi snacken,
So hemli, so sacht,
Un nümms schall dat weten,
As Maan un de Nacht.
Quickborn, 2. Aufl. 1853, S. 247 f. Google-Book