Schreibung:
Quickborn 1856 〉〉 - Quickborn 1853 〉〉
mit Übersetzung 〉〉
genormt
Klaus Groth
De ool Wichel
Denn klopp du man sacht,
Dat Dörp liggt to slopen
Un still is de Nacht.
Denn klopp man an ’t Finster,
Man sacht an ’e Ruut,
Ik höör di in `t Slopen,
So koom ik herut.
De Goorn is so rohig,
De Moond is so blank,
Kumm sacht, kumm vunnacht,
Kumm de Stieg man henlang!
Dor steiht de oolt Wichel,
Dorünner de Steen,
Un beid wüllt wi sitten,
Na ’n Heven rop sehn.
Un beid wüllt wi snacken,
So heemlich, so sacht,
Un nüms schall dat weten,
As Moond un de Nacht.
Standardisierte Schreibung gemäß Regelwerk Sass, angelehnt an das Plattdeutsch Hamburgs, der Elbmarschen und Dithmarschens.