Se seet mi in Schummern to dröm’n op ’e Kneen,
Se foot mi de Hand un ik strook ehr Gesicht,
Vertell ik ehr jümmer de olle Geschicht:
„Dor weer en Prinzess, de seet in en Buer,
Harr Hoor as en Gold, un seet jümmer un luer:
Do keem mol en Prinz, un de hool ehr rut,
Un he worr de König un se worr de Bruut.
"Un gau is se wussen , un nu is se groot!
Se sitt mi in Schummern noch still op ’n Schoot,
Se höllt mi de Hand un ik küss ehr Gesicht,
Vertell ik ehr jümmer de olle Geschicht:
„Dor weer en Prinzess, de seet bi en Buer,
Harr Hoor as en Gold, un seet jümmer un luer;
Do keem mol en Prinz, un de hool ehr rut,
Un ik bün de König un du büst de Bruut!"