Schreibung:
Original
Nordniederdeutsch („HH“) 〉〉
Text mit Übersetzung 〉〉
Klaus Groth
He sä mi so vȩl
Un all wat ik sä, weer: Jehann, ik mutt fort!
He sä mi vun Lev un vun Himmel un Eer,
He sä mi vun allens - ik weet ni mal mehr!
He sä mi so vȩl, un ik sä em keen Wort,
Un all wat ik sä, weer: Jehann, ik mutt fort!
He heel mi de Hann’, un he bȩ mi so dull,
Ik schull em doch gut wȩn, un ob ik ni wull?
Ik weer ja ni bös, awer sä doch keen Wort,
Un all wat ik sä, weer: Jehann, ik mutt fort!
Nu sitt ik un denk, un denk jümmer deran,
Mi düch, ik muss seggt hebbn: Wa geern, min Jehann!
Un doch, kumt dat wedder, so segg ik keen Wort,
Un hollt he mi, segg ik: Jehann, ik mutt fort!
Das Gedicht wurde von 37 Komponisten vertont (Höhne 2010, S.86). Melodie hier von Julius Otto Grimm (1827-1903), vollständige Partitur in Groth: SW, Bd. 1 , S. 368-371. Vgl. auch: Dat du mien Leewsten büst (Heike Müns) Nr. 70.