Du hest mi so vel Fründschaft dan Un büst nu so wit mit mi gan Dörch Nacht un Dag un Dick un Dünn, Nu will ’ck di all wat got is günn’, – Ick segg di nu Adschüs! Torecht hew ick wat Oarigs klaent, Kann sin tovel ok voer di draent; Na, jere Vagel fleut sin Led, So as he na sin Snabel het, – Ick segg di nu Adschüs! Wi gan nu all Beir hier vunen, Wen wet, wat wi üns werre sen, Wen wet, wat du dat twete Mal Ok stiggst mit mi de Landstrat dal, Ick segg di nu Adschüs! Wen wet, wat ick ok Orre krig Un wire ga un wire stig; Ick häng min Handstock an de Wand Un schürr di, Brore, nu de Hand Un segg di nu Adschüs!