Doa singt jo vun den Morrnstirn wat Doa vun de Landstrat her; – Kik, More, is de Krendschol dat? Hans, mak dat Dur up er! Un wen üns hüt Prost Nijoar! bringt Un doato sonn schoen Led üns singt, In Gottes Jesu Nam Is he mi hir willkam. Na, More, ga man hen un hal Er oarig Brot un Speck Un stell ’n Kroß mit Warmbir mal In ’t Rür er inne Eck, Do ok ’n beten Honnig mank, – De Sne liggt dep de Landstrat lank, De Jungs sünd halw veklamt, Dat sünd twe Mil se kamʼ.