Ball is de Wise nu, de grot, Up twölw all werre hen, Un is he ’t, is dat Olljoar dot, Jung wat dat Nijoar denn. Wen wet, wat doa all voer en liggt, Ir ’t werre geit to Enn; Wu got dat mit en wad, wu slicht, – Wen harr voerut dat kennt! Dat het, wen mit sin egen Ten, Sin Slarp koppaewe smitt Slag twölw tonacht, de kann dat sen, Wu lang dat Hus em litt. Un wenn sin Scho wist ute Doern, ’Rut moet he toküm Joar; Un wenn sin Hacken liggt na voern, Bliwt se foer ’t Irst noch doa.