Schreibung:
Erstdruck (1859) 〉〉 Wort-für-Wort-Übersetzung Orthographie Herrmann-Winter 〉〉
John Brinckman
Anmeigen
Mit Hame un Strick;
Nu sünd dat gewoar se,
De Rogg de roegt sick.
Nu seggt de Kalenne:
Dat Were bliwt got.
Nu binn’ se ror Bänne
An Seißen un Hot.
Nu vull man, recht vull man
Dat Lechel, de Kip!
Nu ümme foer dull man!
De Rogg is dotrip.
Wen meigt nu am besten,
Wen meigt dat best Swad?
De schall ok nich dösten,
De kriggt duwwelt Mat.
Nu wist mi dat, Kinner!
Nu wist mi dat mal:
Wen kümmt as flinkst Binne
Toirst dat Swad dal?
Voerdrägen voer all se
Schall s’ nast ok den Kranz,
Un voerdanzen schall se -
Juch! Sünndag wad danzt!