Schreibung:
Erstdruck (1859) 〉〉 Erstdruck mit Übersetzung Orthographie Herrmann-Winter 〉〉
John Brinckman
Mareiken, Mareiken
Min lütt Pöppedeiken!
Min Hoening, min Henning,
Min Tüterüterenning!
Du schast ’n riken Schulten frin,
’N Kruskopp schall din Brüjam sin;
De halt di aw to Pingsten
Mit vier jung swartbrun Hingsten.
Mareiken, Mareiken,
Min soet Pöppedeiken!
Min Seling, min Püting,
Min Snippesnappesnüting!
Tein blanke Bolten flässen Linn
De lat ick di to Hochtit spinn’.
Un föftig heden Laken,
Wenn wi den Flaß irst braken.
Mareiken, Mareiken,
Min smuck Pöppedeiken!
Min Herzing, min Soeting,
Min Pitschepatschepoeting!
Wen binnt din Hoar, wen winnt din Kron?
Je, dat schall Prestesmore don
Mit Gold un Sülwefaden
Un blanke Bewenadeln.