Schreibung:
Erstdruck (1859) 〉〉 Erstdruck mit Übersetzung Orthographie Herrmann-Winter 〉〉
John Brinckman
Bim - bam -beie!
De Köste mag girn Eie,
Mel in de Pann,
Botte an; -
Köste is en Leckemann!
Bim - bam - Jünging,
Min oll lütt Lusepünging,
Min oll lütt lewe Snickemus,
Din Og is blag, din Poll is krus –
Bim - bam - nu ligg un drus’!
Bim - bam - Saening,
Min oll lütt Kunkeldaening,
Du harrst jo lang to Wim all müßt,
Wu lang is all de Sünn to Rüst,
Un Moering hett di nog nu küßt!
Bim - bam - brumsüsing!
Nu ligg, un ligg un drüsing!
Din Pael un Bür is warm, sü so,
Nu do, as ick di heten do,
Do Oeging to, Gralloeging to!