Herr Gott, Herr Gott! Wo sall dit en’n?
Oh, Herr, oh, lat mi den Verstand!
Wi stahn jo all in Dine Hand,
Wi stahn jo all in Dinen Rat;
Doch so en Dod un so ’ne Daht!
Du weitst, oh Herr, hei was nich slicht,
Oh, gah mit em nich in ’t Gericht,
Straf nich tau hart, wat hei verbraken!
Ick was mal just, as hei gesinnt.

ERZÄHLER
Un ’t schüddt em dörch de ollen Knaken.

DANIEL
Mit mi hadd ’t just so warden künnt!

ERZÄHLER
Hei höllt de Hän’n vör dat Gesicht,
Hei föllt taurügg up einen Stein
Hei kann dat Unglück nich anseihn,
Dat äwer em tausamen slög.
Un sackt dor swack in sick tauhopen.