„Plattdeutsche Klassiker lesen!“
Fritz Reuter: Kein Hüsung
gekürzte Hörspiel-Fassung:
Orthographie Reuter (2.Aufl. 1854) | Orthographie Herrmann-Winter 〉〉 |
Reuter mit Übers. | Herrmann-Winter mit übersetzung
- 25 -
Wenn ok de Arbeit mål eins klemmt,
ik kann nauch Lüd ut ’t Fürstlich kriegen.
Un denn is ok kein Hüsung frie.“
JEHANN
„Doch, Herr, wo Vadder Brandt in is!
Denn Ollen nehm ik denn tau mi,
so bleef denn allens so as süss.“
ERZÄHLER
De Herr, de grübelt, sinnt un steiht,
as wenn ’t em würklich nåhgåhn deit,
dat hei de Bäd afslågen sall.
Mit einmål åwer sleiht hei üm.
In sienen Harten stiecht de Gall,
unsäker ward sien barsche Stimm,
unrauhig ward sien düüster Ooch
un hart un kolt was ’t, as hei frooch:
HERR
„Wer is ’t denn, de Du friegen willst?“
JEHANN
„Oll Brandten sien Mariken is ’t.“
ERZÄHLER
De Herr, de wür vör Bosheit blass.
Hei rückt de Flint herüm, as wull ’e
sei ’runner rieten von de Schuller
un smeet denn Dåler in dat Gras.
Un dreiht sik up de Hacken üm
un lacht so gäl mit höhnsche Stimm: