Schreibung:
Original (GW) 〉〉
Original mit Übersetzung 〉〉
genormt

Klaus Groth


Aflohnt


De Söhn, de harr ehr bannig leef, se weer so week un fee.
De Ole schull in ’t Huus herüm: Wat se sik inbillen dee!

Se nehm ehr Bünnel ünner ’n Arm, vun Tronen de Ogen blank,
Se see de Ole sacht adschüüs, se see de Söhn: heff Dank!

Se gung bet üm de Eck an ’n Tuun, un sett sik op den Steen.
De Ole schull in ’t Huus herüm, de Söhn, de stunn un ween.

genormt: Standardisierte Schreibung gemäß Regelwerk Sass, angelehnt an das Plattdeutsch Hamburgs, der Elbmarschen und Dithmarschens.