Schreibung:
Original

Alwine Wuthenow


Vagelleed


Bün en kleen Vagel blot,
Dei nich väl kann,
Äwerst veel glücklicher,
as männig Mann.

Hew woll keen grotes Huus,
Aewer ’n lütt Nest
Un doarin witt witt witt
Veel leewe Gäst.

Hew twors nich Fleisch un Brod
Un Mehl in ’t Fatt,
Weet man, dat alle Dag’
Wi warden satt.

Hew ok keen Kleederstaat,
Nich Schoh un Jack,
Dreg äwe nackte Bein
Blot Ferrefrack.

Hew ok keen un Licht. -
Kümmert dat veel? -
Lewe Sünn is min Lamp,
Dei brukt keen Oel.

Hew ok nich Wall un Muur
Mien Feind tum Spott,
Äwer ’ne faste Burg,
Dat is mien Gott.