Schreibung:
Original

Wilhelm Bornemann


Mein Wunsch


Wer kann mie, wat ick wünsch erfüll´n?
Wer legt de Hand woll dran?
Wer hät doato den Sinn, den Will´n?
Den träd ick bittend an.

Klein is mien Wunsch, un doch so groot,
So schweerlich to erring´:
Un doch sök ich nich Öäberfloot,
Nich Rang, nich Ehrending´.

Mien Wunsch is: up de Middelstroat
(Dät will ick trülich seng´n)
Nich allto hoch, nich allto quoat,
Dat Leben hentobreng´n.

Wo Arbeit, still in hillger Pflicht,
Dät däglich Brodt mie gift:
Wat Noth is, ok tom Unnerricht
Noch vör de Kinner blift.

Vör harter Minschen arger Sinn
Bewoahrt up mienen Gang:
Wer lett dät groote Glück mie finn´ -
Ick bröcht äm ewgen Dank!


aus: Plattdeutsche Gedichte ; Bändchen 2 (1816) S. 18 f.