Schreibung:
Original

Gorch Fock


De ole Spraak


De hild mit all uns Schepen geiht,
De troß op all uns Dieken steiht,
De ole Spraak vun dusend Johrn,
De laot uns stuur un wiß bewohrn!
Hollt fast! hollt fast, denn geiht dat klor,
Denn leewt uns Spraak noch dusend Johr!

Se schall nich in de Ecken stahn,
Se schall nich vör der Dören gahn,
De anners sprök in Kark un Doom,
De anners göll bi Dag un Droom!
Hollt fast! hollt fast, denn geiht dat klor,
Denn leewt uns Sprakk noch dusend Johr!

So lang as noch uns Schepen gaht,
So lang a noch uns Dieken staht,
So lang as noch uns Flaggen weiht,
Blifft Plattdütsch Bass in Leed un Freid!
Hollt fast! hollt fast, den geiht dat kor,
Denn leewt uns Spraak noch dusend Johr!