Schreibung:
Original

Gustav Falke


De Stormfloot


Wat brüllt de Storm?
            De Minsch is ´n Worm!
       Wat brüllt de See?
            ´n Dreck is he!

De Wind, de weiht, up springt de Floot
Un sett up den Strand ehr´n natten Foot,
Reckt sick höger un leggt up ´t Land,
Patsch, ehre grote, natte Hand.

De lütte Diek, dat lütte Dorp,
De Floot is doröver mit enen Worp.
Door is keen Huus, dat nich wankt un beevt,
Door wahnt keen Minsch, de morgen noch leevt.

        Wat brüllt de Storm?
            De Minsch is ´n Worm!
        Wat brüllt de See?
            ´n Dreck is he!


aus: Platt för Land un Lüüd. Niederdt. Lesebuch för Schleswig-Holstein. Bd. 2, Husum Druck 2000