Schreibung:
Original



John Brinckman


More schelt


Dat woart so lang nu as dat woart,
Ick, Vare, wasch min Hänn;
Dat hett nu so un so ken Oart
Un nimmt noch ´n knäglich Enn.

Wi moet doa abslut ´n Insen don, –
Do doch dat Mul up, segg!
Dat geit de Dirn an Kranz un Kron,
Wenn wi ´t er nu nich legg´.

Nich locken un nich hissen lett
Sick mir de olle dumm Strün;
Se hett ern Kopp up den Bengel sett
Un wad nast nog noch schrin.

Sonn will Dirn is so swer to hoer´n
Grar as sonn Sack vull Fläu,
Sü, Vare! denn so is ´t vun Noer´n,
Wi paß´ ehr up zaft twe.

Wi moet er ens de Bicht vehür´n,
Den Kopp er werre stell´n;
Wat schall sonn oll unnoslig Dirn
Mit sonn oll rugen Gesell´n!

Dat geit so lang nu as dat geit, –
Ne! segg ´k, un teinmal, ne!
Wenn sonn Unrack den Döst frigen deit,
Denn trugt de Düwel se.

Quelle: Vagel Grip. Güstrow : Opitz, 1859. S. 103-104.
Der Text ist zwar Korrektur gelesen, aber noch nicht endgültig redigiert. Zum Abgleich hier der originale Text: online 〉〉
Alle Gedichte des "Vagel Grip" erscheinen nach und nach auch mit einer Wort-für-Wort-Übersetzung (mit Link zum John-Brinckman-Wörterbuch).