Schreibung:
Original



John Brinckman


Nu lat mi los


Nu lat mi los, nu lat mi gan!
Du drückst mi jo to Grus.
Nu hew ick lang nog bi di stan,
Nu moet ick flink nah Hus.

Nu lat mi los, nu lat mi gan!
Ick dörw nich mir, Gott wet!
Ick hew di mir to Lew all dan,
As irlich Lew dat moet.

Wenn ´t Vare markt, wenn ´t More süt,
Wu ick mi hir veschenk, –
Wen wet, wen wet, wat denn geschüt,
Mi grust, wenn ick dat denk.

Nu lat mi los, nu lat – nu lat!
Hürst nich, doa knarrt de Doer –
Süt Vare hier mi uppe Strat,
He sleit mi swart un moer.