Schreibung:
Erstdruck (1859)


John Brinckman


Hartspann


- Mi is, ick wet nich, wu mi is. –
Ick gloew, min Hart dat steit,
As ob furtst dal ick fallen müßt,
Wenn Hans voerœwe geit.

Denn schütt mi so to Kopp dat Blot,
Voer de Ogen wad mi ´t swart;
Ick warr denn as sonn Krewt so rot,
Mi spannt dat so dat Hart.

Mi is denn so beswoegt; ick wet
Dat tröck sacht werre weg
Wenn ´k mi ens oarig awschürrn let
Un Hans doa wat vun segg.

Ick wet woll, wenn ick em man ber –
He kloewt doa achte Stämm –
Wat he to Lew mi t sacht ens der,
Man ick schäm mi so voer em.

Voer de Ogen wad mi´t swart (Druckfehler)