Schreibung:
Original



John Brinckman


Ick men man so


- Up Maidag würr ick achtein Joar –
Ne, wu de Tit henlöppt!
Un föftig sünd foer mi noch doa,
Wenn recht de Kukuk röppt.

Un Hans, je de hett loßt sick fri
Un dent nu bi den Burn,
He kriggt nu ball sin Bödneri,
Wu lang will dat noch durn!

He deit sick na ´ne Brut all üm;
Wen he sick woll recht nimmt?
Dat kümmt oft goa to narrsch herüm -
Wen wet, wu dat noch kümmt!

Dat Best dat is mi ümme recht,
Wen wet, wat ick denn do,
Wenn he – na, ick hew Nicks nich seggt –
Ick – na, ick men man so! -

Quelle: Vagel Grip. Güstrow : Opitz, 1859. S. 72.
Der Text ist zwar Korrektur gelesen, aber noch nicht endgültig redigiert. Zum Abgleich hier der originale Text: online 〉〉
Alle Gedichte des "Vagel Grip" erscheinen nach und nach auch mit einer Wort-für-Wort-Übersetzung (mit Link zum John-Brinckman-Wörterbuch).