Schreibung:
Original



John Brinckman


Achte in ´t Holt


Dat is so still hir achte,
As wir ´ne Kirch dat Holt,
Mit vel wir Bagenfinste
Un Piles, hoch un olt.

Dat is so still nu worren;
De Wold, de steit un swiggt,
As wenn doa vun sin Kanzel
De Prester ´rünne stiggt;

As wenn doa voer ´n Altoar
De Preste steit un singt
Un de Gemen den Segen
Un er den Freren bringt.

Dat is de soete Vagel,
De Nachtigall is dat, –
Dat sleit en so to Harten,
Dat Og dat wad di natt;

As künnst du aw dat lüchten
All, wat up ´t Hart di liggt, -
As ob en gahn un bichten
Un still ens beren mücht.

De hogen ollen Eken
De geit dat dörche Kron,
De hogen ollen Eken,
As Kur un Oergelton.

Quelle: Vagel Grip. Güstrow : Opitz, 1859. S. 70-71.
Der Text ist zwar Korrektur gelesen, aber noch nicht endgültig redigiert. Zum Abgleich hier der originale Text: online 〉〉
Alle Gedichte des "Vagel Grip" erscheinen nach und nach auch mit einer Wort-für-Wort-Übersetzung (mit Link zum John-Brinckman-Wörterbuch).