Gedichte und Lieder: Detlef von Liliencron


Trin



Mit Nadel un Tweern
Keem de lütt Deern.
As se mi nu den utneihten Knoop anneiht,
Un so flink de Finger ehr geiht,
Un se so neech bi mi steiht,
Denk ick, wat kann da sien, man to,
Un ick gev ehr´n Söten, hallo, hallo.
Auk! hat ick een weg, un dat wern Släg,
Datt ick glieks dat Jammern kreeg.
Do kickt se mi ganz luri an:
"Häv ick wehdan, min leve Mann?"
"Ja", segg ick, un ganz sachen
Fat ick se üm, greep frischen Mot,
Un nu güngt ja allns up eenmal got.

As se gung, segg ick: "Lütt Deern,
Kumms ock mal weller mit Nadel un Tweern?"
"Ja geern".


Aus »Neue Gedichte«, 1892)