Gedichte und Lieder: Alwine Wuthenow


Min Schatz is en Jäger



Min Schatz is en Jäger,
En Jäger möt sin,
De Wald is des Jägers,
De Jäger is min!
Trara, rarara, rararara
Trararara, trararara,
Trarari, trarari, trara!

Min Schatz drögt en Stutzen,
En Strüzel an ´n Hot,
Dorto en grön Röckel
Un is mi so god!
Trara, rarara, rararara
Trararara, trararara,
Trarari, trarari, trara!

Ik hew blot min Spinrad
Un en poar blanke Schoh,
Doch min Schatz hett en Hüsel
Un en Goaren tarto.
Trara, rarara, rararara
Trararara, trararara,
Trarari, trarari, trara!

Ik hett ok Wilegösings
Un Mehl ok in ´t Fatt,
Doch sin hartlewstes Leiwen
Veel söter is dat!
Trara, rarara, rararara
Trararara, trararara,
Trarari, trarari, trara!

So lat mi man springen
Un singen min Stück,
Min Schatz is en Jäger,
Un so glücklich bin ik.
Trara, rarara, rararara
Trararara, trararara,
Trarari, trarari, trara!


Anm.: "Wile" ist der Ruf nach Gänsen
Nige Blomen ut Annmariek Schulten ehren Goren, 1861, S. 40 f.