Gedichte und Lieder: Alwine Wuthenow


Dubenmutte



Dubenmutte sitt so still
Up ehr lüttes Nest,
Fast, as ow sei sagen will,
Dit ´s mien Allebest!

As wenn unne ehre Flücht
Sei dat Leiwste hölt,
Wat sei nich vetuschen mügt,
Mit dei ganze Welt.

Dubenmutte, ward dei Tied
Di denn goa nich lang?
Segg, wat Die doaför geschüht,
Un wat is Dien Dank?

Kickst mi an so wunnerlich?
Ach Du denkst gewiß:
„Du lütt Dümming weitst man nich,
Wat ´ne Mutte is?

Un wenn Du man weeten wußt,
Wat ik giern Di liehr:
Unse Herrgod hett Geduld
mit Di noch veel mihr“



Quelle: En por Blomen ut Annmariek Schulten ehren Goren, 1858, S. 33 f.