Gedichte und Lieder: Alwine Wuthenow


Magst mi noch lieden



Magst mi noch lieden,
Hest mi noch leiw?
Ach legg Dien Hart doch
Mit in den Breif!

Will mal upschluten,
Wat doarin steiht,
Ob noch Dien Wiewing
Wahnen d´rin deiht.

Ob sei noch hett den
Leiwlichsten Platz,
Ob sei noch drin Dien
Allebest Schatz.

Wenn ik dat sehn hew,
Schlut ik dat tau.
Keine sall weiten,
Wat mi gift Rauh.


Quelle: En por Blomen ut Annmariek Schulten ehren Goren, 1858, S. 166