Schreibung:
Original 〉〉
Original mit Wort-für-Wort-Übersetzung

Klaus Groth


Sophie Dethleffs un ik

Gekürzte Fassung

      Æwer den groten Platz vær min Vaderhus in deHeid
spazeern mitto gegen Abend, wenn ’t warm un still Wedder
weer, twee öllerhafte Mädens, „Mamsellnwar wul seggt,
denn se hören nich recht to de Handwarkers, Arbeiders, lütt
Hüerslüd un wat dar sunst um denLüttenheid“, as de grot
Gemeenplatz heet, wahn, un wenn ’t ok de rike Wȩtfru Peters
weer, de ȩrn Marschhof verkofft un sik mit ȩr Dochder na de
Heid torüggtrocken harr, oder de ol Möller Sootmann, de
sik mit sin nȩgentig Jahr un sin grote Uhrkȩd un Bummeln mitten
værn Liv værnȩhm nog utseeg.

      De beiden groten öllerhaften Mamselln hörn dar nich to.
Se gungn, as gungn se dörch en fremd Dörp, æwer den
Grasplatz, seegen nich na de Lüd, de in beiden Husreegen
um den Platz hen un wedder vær de Dær stunn un seten,
un wannern in denGrön Wegto Feld oder in ’tStruk
un ’t Moor to. Blot wenn Een oder de Anner seGun-
abendsäh, antworten se opmarksam un beschȩden. Wi Kinner
spȩln int Grasop den Knüll“, as dat heet, keken se an un
keken se na, wenigstens ik so. An Mütz afnȩhm’ war nich
dacht, dat weer al darum keen Mod’, wil keen Jung en Mütz
drog, nich mal na Schol bruk man so ’n Möbel.

      De beiden Swestern gungen ok in bloten Kopp, keemn
æwerhaupt blot malachterutun æwern Lüttenheid, wenn
dat Wedder darna weer, Sünn un Wind keen Anstalten nödig
maken. Se keemn achter ut en langen Garn, de ganz ver-
stȩken leeg achter en hoge Plank, en Garn vull von ole Appeln-
un Bȩrnböm: Dat Hus darto gung værut na de Süderstrat.
Wenn de beiden Mamselln achter rutgungn, so blev en lütten
oln Mann torügg, un mak de Port wedder to. Dat weer de
Branddirekter Dethlefs, den man anners kum to sehn kreeg,
un de beiden Mädens, sin Döchder, Sophie Dethlefs un ȩr
Swester.

      Wenn ik domals wȩten harr, dat dar en Dichter in een
vun de beiden steek, harr ik se vellicht noch mehr anstarrt,
as ik so al . Wi Börgerskinner hörn un sehn wenig vun
de Art Lüd, as Branddirekter Dethlefs un sin Döchder, wi
wussen kum, dat se dar weern, awer jüs dat mak uns nieschirig.
Man keem nich in ȩr Hus, man keek nich in ȩr Garns, as wenn
tofälli de Port apen keem.

      De Nawersgarn vun den Branddirekter sin weer ȩben so
lank, small, smuck un vull grote Böm, en hoge Plank to Enn
as bi de anner. Dar plȩgg en gefährlich dicken Mann mit
en kränklich Gesicht swarfällig in to wannern. He weer en
Avkat. Sin eenzig Dochder gung ok towilen mit de Mamselln
Dethlefs. Se seeg swacklig ut, drog Locken um ’n Kopp un
gung as en Nachtvagel, de sik ant Dagslicht wagt, weer ȩbenso