He see mi so veel, un ik see em keen Woort,
Un all, wat ik see, weer: Jehann ik mutt foort!
2.
He see mi vun Leev un vun Himmel un Eerd,
He see mi vun allens - ik weet nich mol mehr!
3.
He see mi so veel, un ik see em keen Woort,
Un all wat ik see, weer: Jehann ik mutt foort!
4.
He heel mi de Hannen, un he beed mi so dull,
Ik schull em doch goot sien, un of ik nich wull?
5.
Ik weer ja nich böös, over see doch keen Woort,
Un all wat ik see, weer: Jehann, ik mutt foort!
6.
Nu sitt ik un denk, un denk jümmer doran,
Mi düch, ik muss seggt hebben: Wo geern, mien Jehann!
7.
Un doch, kummt dat wedder, so segg ik keen Woort,
Un höllt he mi, segg ik: Jehann, ik mutt foort!