roppt mi wat ut ’n Droom,
wenn mien Küssens natt vun Tronen sünd.
Is ’t en Vagel in ’n Boom?
Is’t an ’t Finster de Wind?
männichmol in de Nacht.
Männichmol in de Nacht
find ik Sloop nich un Rooh,
in denk bloot an di, un wor du nu woll büst,
un denk ümmerto,
wat wi twee uns hebbt küsst
männichmol in de Nacht.
Männichmol in de Nacht
wook ik op un ween,
un mi is, as stünn’ vör de Döör de Dood ...
Un ik bün so alleen,
un min Angst wasst so groot
männichmol in de Nacht.
Männichmol in de Nacht
denn so denk ik un dröm,
dat wi beiden uns noch mol wedder findt,
dat uns’ Glück weddeerkööm
mit en Lentmoondswind
männigmal in de Nacht.
Männigmal in de Nacht
roppt mi wat ut de Feern -
bloot en Hartenslag lang, en Ogenblick -
as wiedher van en Steern.
Roppt van dorher dat Glück
männichmol in de Nacht? -