Schreibung:
Original



John Brinckman


Schüst du dat sin


Wenn Allens slöppt, wen ensam doa
Un hartkrank up sin Pael denn liggt
Un finnt ken Og vull Slap un goa
Ken Rast voer Öelle un voer Gicht,
De denkt woll: Wenn du slapen künnst
En Stunn an Riten un an Pin – -
Doa hür! De Hofhund hult un günst!
Is dat din Rop? Schüst du dat sin?

De Mulwarp de smet gistern jo
Up in de Kaek grar ünne ʼn Hird;
Se tüschelten dat all sick to,
Grotvare un Marik un Dürt;
Se segen witt ut alltohop,
`Ne Tran harr in ehr Og Karlin ...
De Mulwarp smet! Is dat din Rop?
Schüst du dat sin? Schüst du dat sin?

Wat is dat All as Angst un Not,
As Nacht an Stirn, Wedag an Enn`;
Ach, wir ’t doch irst voeroewe blot
Un droegen s’ in din Sark di hen!
Wat naelst du foer ’ne ewig Tit,
Dod, mit din Morgensünnenschin – -
Doa hür! dor hüa! de Ul de schrit ...
Is dat din Rop? Schüst du dat sin? -

Quelle: Vagel Grip. Güstrow : Opitz, 1859. S. 186-187.
Der Text ist zwar Korrektur gelesen, aber noch nicht endgültig redigiert. Zum Abgleich hier der originale Text: online 〉〉
Alle Gedichte des "Vagel Grip" erscheinen nach und nach auch mit einer Wort-für-Wort-Übersetzung (mit Link zum John-Brinckman-Wörterbuch).