Schreibung:
Original



John Brinckman


Oll Vare Knack


Oll Vader Knaak harr krank doa legen, –
Dat irst Mal was ’t sit sößtig Joar, –
Dunn harr he mit sonn Angst dat kregen,
Un goa to graesig würr em doa.

Dat schoet mit ens all up dat Hart em,
Wu rug he lewt harr un kasprat, –
Un vörre Ogen würr dat swart em,
As harr de Düwel em all fat.

- Ick hew sonn Angst in all min Knaken,
Sär he dünn, More, as sonn Krewt,
Den in koll Wate aw se kaken,
Un harr so girn noch ’n bäten lewt!

Dat is de Dot, de fött un schürrt mi ...
Ddat liggt mi up min Bost so swer ...
Ick gloew, ’n beten bete würr ’t mi,
Süngst du sonn gestlich Leed mi voer. -

Dunn harr se er Gesangbok kregen
Ee Ollsch un sloeg dat up un roart:
- Wist, Vare, du den Abendsegen,
Den Morrnstirn ore Himmelfoart?

Scha’ck di vun de Paschon en lesen,
Sonn Stannsled ore Jesusled?
Schall ’t vun dat kristlich Leben wesen?
Dat, Vare, bringt di sacht in Swet! -

- - Ach, More, dat ’s to swacken Flere
Sär Vader Knaak un stent doabi,
Man furtst en vun de Höllenlere,
All annern düsen nich bi mi! - -