Schreibung:
Original
John Brinckman
Kamrad kumm!
Mit Sabel un Musket,
Denn helpt dat nich! Hul nich so lut
Un hew di nich so, Gret!
De Trummel sleit nu trumtritrum!
Kamrad, kumm! Kamrad, kumm!
Rechten, Linken! Speck un Schinken!
Grad de Ben un stiw de Nack –
Kamrad, kumm mit Sack un Pack!
Un wenn en moet, denn moet he wull,
Un got is, wenn he kann,
Un nich glik hett de Bücksen vull
Un höllt sick as ’n Mann.
Kommißbrod hen! Kommißbrod her!
Is Helm dat, is dat Hot –
Hew doar ick, hew ick hir dat swer,
Sü, Dirn, dat is glik got!
Ick wull, hier stünn man sonn Franzos,
Sonn Klas vun Hannemann, –
Furtst mit de Plemp foart ’k up se los
Un haugt se in de Pann.
Ick wet, du büst un bliwst mi tru;
Na, lach ens, Dirn! Wat wenst?
Ken anner wad min Fru as du, –
Un nu Adschüs noch ens!
De Trummel sleit nu trumtritrum!
Kamrad, kumm! Kamrad, kumm!
Rechten, Linken! Speck un Schinken!
Grad de Ben un stiw de Nack –
Kamrad, kumm mit Sack un Pack!