Schreibung:
Original



John Brinckman


More schelt all werre


- Dirn, danz doch nich so hoch,
Rock œwe ’t Kne!
Schäm di! Schäm ick mi doch,
Wenn ick dat seh.

Smittst jo din Kopp so dull, –
Wu süt dat ut!
Grar so, as kem wen wull,
Du würrst sin Brut.

Mit sonn drist Külpen jo
Oegst du de Manns, –
Wenn dat en markt, sü so,
Stellt he din Kranz.

Wenn dat en markt, wu slicht
Du di vewoarst,
Sittst toküm Joar villicht
Doa du un roarst.

Wenst in din Kame din
Bloerige Tran,
Müchst glik voer Schimp un Pin
Sülst dot di slan.

Sü, Dirn, denn holl di an,
Wat du man kannst!
Mennigen, gloew du man,
Hett all in Schimp un Schann
Sick rinne danzt. -

Quelle: Vagel Grip. Güstrow : Opitz, 1859. S. 123-124.
Der Text ist zwar Korrektur gelesen, aber noch nicht endgültig redigiert. Zum Abgleich hier der originale Text: online 〉〉
Druckfehlerberichtigung:
Zeile 12: Stellt he din Kranz statt Stellt se ...
Zeile 21: Sü, Dirn, denn holl di an statt .. soll di an